Richmond


Rais Kikwete alitoa hotuba mbili mwezi uliopita. Kwanza, aliongea na Wazee wa Dar es Salaam, Diamond Jubilee Hall. Mwisho wa mwezi, tulisikia hotuba yake ya kufunga mwezi.

Alivyosema Rais kwenye hotuba yake kwa wananchi kwa mwezi wa pili, ulikuwa “mwezi wa matukio makubwa ya kukumbukwa kwa miaka mingi ijayo”. Bado haipatikani kwenye tovuti ya serikali, lakini ipo kwa Michuzi. Bonyeza hapa. Kwa hotuba kwa Wazee, bonyeza hapa.

Kuhusu Richmond, Mh. Rais hajakosea – tuliona matukio makubwa. Lakini baada ya kusikiliza na kusoma hotuba zake, nadhani angefurahi tuyasahau. Soma yafuatayo:

Nchi yetu ilipata mtikisiko mkubwa na wananchi wengi walikuwa katika hali ya mkanganyiko, wakati mwingine walikuwa wakijiuliza maswali mengi yaliyokosa majibu kuhusu hatma ya taifa letu.

Siyo siri, tumejiuliza maswali mengi. Lakini kutoka kwa Rais mwenyewe, hamna majibu. Alitusimulia kuhusu vikao vya Kamati ya Uongozi ya Chama na Kamati ya Wabunge wote wa CCM baada ya ripoti ya Mwakyembe kuwasilishwa. Najiuliza, je, walijadiliana nini? Taarifa za vikao zilipendekeza nini? Au, kusema wazi, nani alimlinda nani katika majadiliano hayo?

Wengi wamejiuliza maswali, hasa kuhusu Lowassa, harakati zake na mahusiano yake na Rais. Rais mwenyewe amlisemaje?

Napenda kuitumia nafasi hii kumshukuru sana Mhe. Edward Lowassa kwa moyo wake wa uzalendo na kwa utumishi wake kwa taifa letu. Ameitumikia nchi kwa jitihada kubwa katika nyadhifa mbalimbali mpaka kufikia kuwa Waziri Mkuu. Katika miaka hii miwili amefanya kazi kubwa ya kusukuma mbele gurudumu la maendeleo la taifa letu. Ameacha alama za kudumu za kipindi chake cha miaka miwili. Yaliyotokea ni ajali katika maisha ya siasa, lakini naamini historia itamhukumu kwa haki stahiki

Zaidi ya hapo, ametuambia kuwa:

Nchi yetu tayari imerudia hali yake ya kawaida na kila mmoja wetu anaendelea na shughuli zake.

Yaani, sina maneno ya kuelezea mshtuko wangu kwa maneno hayo. Waziri Mkuu, ameomtuhumiwa kwa ufisadi mkubwa kupita kiasi, na pia amekosa heshima kwa wananchi atahukumuliwa na historia! Aidha, sisi tunaendelea na shuguli zetu bila wasiwasi baada ya kutulizwa na Rais. Je, Rais alikuwa anamlenga nani kwa maneno hayo? Wananchi? Wazee? Au wenzake wa Chama?

Kwenye hotuba yake ya kufunga mwezi, hana usemi kuhusu mambo hayo. Rais ameendelea na shughuli zake za kumpokea Bush na kutembelea Kenya. Basi. Wakati huo huo, Waziri Mkuu aliyejiuzulu, amejifagilia kwenye TVT.

Mwisho wa mwezi, tulichanganyikiwa na mambo ya Jambo Forums. Utakumbuka kuwa tovuti hiyo ilifungwa kwa muda, na watu wawili walikamatwa. Kitu kinachosikitisha ni hiki: kwanini imebidi tutegemee shirika kutoka nje (Committee to Protect Journalists) kupata taarifa nzima na wazi ya kashfa hiyo. Soma makala yao hapa. Tumepata kila kitu – majina, sababu za kukamatwa, hadi jina la mwanasheria wao (Tundu Lissu, mwanasheria wa CHADEMA).

Matukio ya Richmond na Jambo Forums yametuonyesha kuwa safari ya kufikia uwazi na ukweli hapa Tanzania bado ni ndefu.

Leo mchana, sote tulisikiliza redio kusikia Rais kutangaza Baraza mpya. “Nani atabaki?” “Nani atafukuzwa?”. Basi, ilitangazwa. Maswali tena. “Unamwonaje Mkulo?” “Jamani Andrew Chenge alikuwa Mwanasheria Mkuu wakati wa IPTL, si ndiyo?!”

Leo jioni, nilianza kusoma By the Sea, kitabu kimechoandikwa na Abdulrazak Gurnah. Niliguswa na yafuatayo…..

The upper air is always full of agitation because God and his angels live there and debate high policy, and flush out treachery and rebellion. They do not welcome casual listeners or informers or self-servers and have the fate of the universe to darken their brows and whiten their hair. As a precaution, the angels release a corrosive shower every now and then to deter mischievous eavesdroppers with a threat of deforming wounds. The middle air is the arena for contention, where the clerks and the ante-room afreets and the wordy jinns and flabby serpents writhe and flap and fume as they strain for the counsels of their betters. Ack ack, did you hear what he said? What can it mean? In the murk of the lower is where you’ll find the venomless time-servers and the fantasists who’ll believe anything and defer to everything, the gullible and the spiritless throngs that crowd and pollute the narrowing spaces where they congregate, and that’s where you’ll find me.

Je, umeshasoma ripoti ya Mwakyembe? Si unajua jinsi viongozi walivyokula? Dakika arobaini zilizopita, wabunge walikubali uteuzi wa Mizengo Pinda, Mbunge wa Mpanda Mashariki, kama Waziri Mkuu. Walimsifia. Walimpa moyo. Aliwashukuruu. Sitta alifunga kikao kwa mtindo wake. Lakini kumbe, alipewa karatasi kutoka kwa mmoja wao. Mbunge huyo alikuwa na swali….. “je, sherehe ya kumpongeza Waziri Mkuu itafanyika lini?”

Kashfa ya siku hizi ilielekea kuvunja siasa yetu. Mbunge huyo anafikiria nini? Chakula tu!